Oleh: H.M. Sitepu
Kune i Berastagi bagenda Minggu
Kune umur pe lewat sitik sepulu pitu
Nggo me lampas pekena saluar ras baju
Pake saluar nahena mbelang bagi sapu
Baju pe mbelang tan gelah nggo sentudu
Pakeka minak Tancho gelah buk ola jerbu
Dalani me Jl. Udara nari seh ku Tugu
Koncangken serpi piga-piga erga seribu
Tah ugakal kari jumpa singuda-nguda mberu
Nggome bias asam man wajit peceren tertelu
Seh i Tugu, lit kang perpayona tuhu
Enterem singuda-nguda mulih erminggu
Lit si erteman dilaki, melala ka sapih-sapih diberu,
Ngidah tawa ciremna tempa bas ia la lit si aru.
Sada bajuna la mode la ka pakai gincu
Bagi si tading ras temanna ban la ia merudu
Natap jile rupana jantung pe bagi debet-debet kidu,
Nde kal agi kune kam sisada bias nge asamku
Tapi adi lima kal kam ugalah kuban bangku
Nina pusuh nginget-nginget serpi la dem lima ribu.
Iyo oh, kune kin min dai nggo galang gajingku
Kune kin min ndai tertukur Kijang Inovangku
Kune kam kutatap arah kaca mata mbiringku
Kune…. kune….. kune….. ku..
Kita erkune-kune Nde Iting ndai nangkih vespa mbaru
Bagem tendingku.. bagem lebe… ola kam medu
Ninta pe ndai erkune-kune wari minggu
Minggu si reh tah uga ka kune-kunena la tentu
“………………………..
(Cilangkap-20 Jan 2013-wari Minggu)
Clip di bawah adalah reaksi Redaksi terhadap Puisi di atas. Selamat mendengarkan!
Bujur per Sora Sirulo