Kesan Penonton: Pertunjukan Tradisional Karo di Mall?

Ngelangke Ngeliwer Ternyata Diminati Penonton Medan

 

Oleh: Satria Ginzu (Medan)

 

Tangtangna kal kueteh berita enda arah grup facebook JAMBURTA MERGA SILIMA. Ersura kal aku ndedahsa perban mesikel aku megi-megi sora alat musik tradisional Karo enda. Emaka aku reh ndedah pertunjuken enda si termasuk salah sada acara si iselenggaraken Palladium Mall (Traditional Week).

Situhuna labo kusangka bagenda jadina Traditional goes to Mall. Sebab galang kal resikona perban sebagian besar entahpe mungkin kerina pengunjung Mall kalak modern, si iakapna labo nari penting tradisional enda.

Tapi lahang, Sanggar Seni Sirulo ras Ngelangke Ngeliwer ndat apresiasi arah pengunjung Mall enda ndai. La pernah kubayangken aku ndedah sibagenda i Mall. Sebab Sierjabaten biasa nampil i kuta-kuta i jambur. Epe nai nge si rusur kuidah sibagenda.

Traditional goes to Mall sukses, iterima kalak sinterem. Mbue ka kuidah kalak si mindo lagu, salah sadana Kalimbubunta Tarigan mergana si paksa penutupen mindo lagu Bunga Rampai. Tuhu lanai terturiken uga pusuhku megiken lagu enda.

Applaus man Sanggar Seni Sirulo si berhasil mbaba kami kerina si ndedah mombak ibas melodi-melodi si rehna ibas Alat Musik Tradisional nari.

Akhir kata bujur ningku man kerina panitia ras anggota Sanggar Seni Sirulo sebab arah acara enda turah ukurku gelah ikut aku menjaga adat ras budayanta Kalak Karo. Silang-langna Cakap Karo ras Adatta, uga kin situhuna Kalak Karo enda ras uga ka kerna pergeluh Kalak Karo enda.

Sekalinari kubere jempol man Sanggar Seni Sirulo.
Bujur.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.