Menam 4—0: Untung Saja Ada Pak M.U. Ginting

1
191

Sada Pengalaman Nyata Guna Pelajaran Man Banta

 

Oleh: Edi Suranta Ginting

Lit pengalamen berngi enda si kuakap banci nambahi informasi man banta. Berngi ndai aku ndahi perjabun merga Bangun ras beru Siregar. Tangtangna seh ku gedung resepsi nungkun aku man cateringna:

“Kai ban kena gulenta?” “Gulen Karo, rendang, lemang-lemang, cincang bohan. Tapi lit ka nge saung-saung,” nina nande si erdakan e.

Kenca undangen mulai man, terbegi sora kalak rende. Sengget kel aku sebab lagu e lagu Tapanuli. Ningku man sebelahku kalak Karo ka:

“Uga nge maka dua telu kalak kenca teman-temanta bas Toba nari tapi mis begi sorana?”

Cirem saja teman i sebelahku. Ningku ka man keluarga si erkerja e:

“Uga nge maka la lit lagu Karo?” ningku.

Agak mamang tena mbegi penungkunenku. Kenca rende ka anak kitik si bapana kalak Tapanuli tapi nandena kalak Karo. Laguna lagu Indonesia ras terjemahenna lagu Tapanuli.

“Uga nge?” ningku ka man teman si ndeher ije. Cirem saja ka ia.

“Entah enggo nge aku si salah enda,” ateku bas ukur. Kenca, terus ka lagu si peteluken. Terus ka sipeempatken.

“Enggo 4—0,” ningku man piga-piga teman. Tapi kerina tenang-tenang saja.

Minter aku cinder. Kujumpai merga Tarigan.

“Hen… Ini tolong kam nyanyi lagu Karo dulu. Aku lanai kuakap sikap enggo 4—0 e,” ningku.

“Ok, Bang,” nina ngaloi. Aku enggom lanai mbue ngarap. Sebab sebelumna pe enggo ka nge lit kusuruh, tapi la begi-begi sorana.

Rempet terbegi sora:

“O Taneh Karo Simalem …”.

“Enggo 4—1,” ningku ka man temanku kundul. Tawa saja ia. Kenca reh ka dua kalak nemani Tarigan mergana e ngendeken lagu sipeduaken. Aminna pe jelma lanai enterem, tapi dungna seh 7 lagu. Reh Tarigan ndai ndahi aku,

“Bagaimana, abang sudah senang?” nina.

“Ya, sudah 7—4 untuk Karo,” ningku. Tawa ia.

Bagem kecibal geluhta. Si beluh rende e pe mbelin kel melana. Emaka payo ka nge lit bagi Pak M.U. Ginting si ‘mekeng’ ngendéken Karo e. Adi lang… seh dung kerja e, labo terbegi sora kalak Karo.

Bujur sekadar berbagi pengalaman saja.

1 COMMENT

  1. Mejuah-juah Edi Ginting ras persorasirulo kerina

    Pengalamen ras uraian kam enda bermanfaat tinggi, merandal iperluas man kerina Karo ras unsur Karo sidebanna kerina gelah kerina ka kita banci erbahan kesimpulen je nari, uga simehulina ngadapi ethnic competition ena ndai, termasuk la kalah pentingna bas lapangan bernyanyi sebagai pertunjukan budaya Karo. Uga adi bas acara Karo saja pe lanai lit si kutengah perbahan ‘mbelin kel melana’ salin katandu, padahal lit kebeluhen rende. Kebeluhen bas Karo bas lapangan kaipe enggo me kerina kita metehsa, la lit lawanna. Lawanna simbelin emkap ‘mbelin melana’ ndai. Adi kita metteh 10 biasa kita ninta 5 ngenca kueteh. Kalak sideban terbalik, pemetehna cuma 5 tapi ngakuna 10. Ugakin simehuina, adi pemetehta 10, ula kita sungkan ngaku 10, tapi kataken 10! Positifna emkap kita terpaksa mempertahankan dan mengembangkan pemeteh si 10 ndai. kebalikenna adi mempertahankan 10 tapi pemeteh cuma 5, kalak enda terpaksa bohong atau pokrol bambu. Ma melala enda terjadi didepan mata kita sehari-hari?

    Kalak Pakpak banci kang ikataken ‘mbelin melana’ ngataken ‘Pakpak Bukan Batak’, gia jelas dari segi bahasa lebih 60% bali ras Karo. Labo mungkin Pakpak deheren ku Batak (Toba) ibandingkan ras ku Karo. Adi lit pagi penggerupan etnis/suku tentu sindeherna janah masuk akal emkap Karo, Pakpak, Alas, Gayo + piga-piga suku i Singkil. Enda penggerupan si masuk akal, dari segi bahasa, way of thinking janah mbue bagian-bagian kultur/budaya lebih dekat ibandingken ku suku sideban,
    kalak Batak atau kalak Aceh misalna.

    Adi sinehen terdauhen uga pendapat lama antropologi kolonial, je kalak Alas ras Gayo si imasukken antropolog kolonial ras antropolog Batak Amir Nadapdap ku bagian Batak bagi kalak Karo, alias Batak Alas, Batak Gayo, pas kang bagi ‘Batak Karo’.
    Dua suku enda imasukken kalak Aceh ka ku subetnis Aceh, jadi Aceh Alas ras Aceh Gayo. Dua etnis dominan enda (Aceh ras Batak) jadiken Alas ras Gayo jadi lahan rebutan! Gia gundari enggo teridah muat masapna pendapat antropologi kolonial enda ditelan perkembangan. Gayo sebagai sada etnis/kultur memiliki daerah terbesar seluruh Aceh. Gayo dalam jumlah lebih kecil, tapi kegigihan dan perjuangan kalak enda erbahan propinsi sendiri (ALA) bagepe didepan menentang pengibaran bendera Aceh/GAM di Gayo. Gayo dengan tradisi kultur/budayanya yang sudah berumur 7400 th tak mungkin berbuat lain, sudah menghilangkan dengan tegas ‘mbelin melana’ demi survival kultur/budaya Gayo, budaya tertua didunia yang pernah ditemukan, penemuan mana juga termasuk DNA Karo. http://www.setkab.go.id/nusantara-4750-tim-arkeologi-balar-temukan-fosil-berusia-7400-tahun-di-aceh-tengah.html

    Adi Gayo enggo ngapusken ‘melana’ tentu Karo ras Pakpak pe pasti labo soal ngapusken ‘melana’ ndai. Lang bene kita!

    Sipositif emkap enggo seh lalana ka kita si enggo bene ‘melana’ janah enda pe tambah terus tiap wari. KBB enda enggo muat nangatna gesahna man Karo bagepe jelma iluar Karo, perbahan kalak enda pe enggo ngantusi KBB enda kapken perjuangan pencerahan KEADILAN SEMESTA, salu dasar kultur Karo ras Daerahna. La mungkin kita mulai perjuangan enda bas kultur sideban nari bagepe bas daerah sideban nari. Secara internasional si idah kalak Yahudi uga pentingna man survival kalak diaspora enda mempertahankan kultur ras daerahna, gia daerah enda iperjuangangkan salu perlakuan tak adil man kalak Palestina mendirikan negara Israel.
    Karo enggo lit daerah ulayatna, man banta tading mempertahankan dan mengembangkan. Tingkat gundari sipenting emkap mempertahankan, sebab adi lanai lit daerahna, pasti kulturna pe masap, lanai kari lit siman pertahanenken.

    Bujur
    MUG

Leave a Reply