Puisi Nancy Meinintha Brahmana: BRAHMANA

nancy 17

enggo terbegi gung si malem ate
enggo sue kata erdemu
tenah sinitenahken nggo niar-niar
ku pusuh pertendin sirulo

gelah sada arih, sada kekelengen
Brahmana ras anak beru siikelengi
kerina sada sikawal-kawalen

sintua megermet
sintengah mehamat
singuda mehimat
sirakut sinikeleng si mehangke

gung erbolo-bolo
ula sitendengen, mejemat sipakeken
ula erbelas jongat, meruntus, mejogar

gelah ngalkal pertendin
em jadi sinalsal
kesusuren si enggeluh

ngergaken kuta si malem
mehaga kata nicibalken

Kabanjahe, 9.00,1 oktober 2013,
untuk Brahmana Mergana ras anak beruna

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.