Gelah Ula Ngindet Dadanak Siturah Ipenna

matius gintingmatius ginting 2Oleh: Matius Ginting

Mbue kel tambar siniwarisken nininta nai. Ibas jaman moderen einda lanai masuk akalta tempa, tapi terbukti mujarab. Salah sada ka contohna, anak-anak siturah ipenna. Mbue kel demam ia. Bahken lit siopname pei.

Adi nina ka nai mama, umur 3 bulan, 5 bulan ras 7 bulan anakta ei, sigeleh manuk. Ence, bekas darehna si lit bas rawit ndai isapu alu jari tengah tan si kemuhen. Ence sapuken sebelah ku bas ipenna si arah datas. Sebelah nari sapuken ka ku ipenna si arah teruh.

Bagem ia ban asal enggo seh umurna bagi sikuturiken arah datas ndai. Ence manuk si geleh ndai igule sue ras seleranta. Man entabeh, turah ipen anak pei la igejapna.

La tuhu terlogikaken, tapi aku, 5 anakta sada pei la lit masalah adi mengenai ipenna turah. Bagendam kuban rusur.

Einda kam lebe si banci kuturiken. bujur

One thought on “Gelah Ula Ngindet Dadanak Siturah Ipenna

Leave a Reply to Lau perimbon nari Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.