Puisi: NGIAP TENDI

Oleh: Kempu Raja Lambing

 

Mari me kam kuiap

Kulebuh tendi si rutang pusuh

Ula ukurndu mugur-ugur

Ula ngadi

Perdalandu pe ula mambur

Mari me kita ras pulung

Enggo ertima Taneh Bena Batang Nggeluh

Mari me kam kuiap kulebuh tendi-tendi si termur-mur

Enda nggo sikap amak mbentar inganta kundul

Pejumpa ayo pejumpa ukur

E maka mari dage ras kita persada ukur

Sicakapken Taneh Karo si ertunggu

O kam tendi si rutang pusuh

Japa pe kam petetap ukur

Persada arih, pebulat kata

Kai ninta nandangi kutanta?

Mari kita runggu…

060114

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.