Karo Ersinalsal

Sumekah M.U. Ginting i Swedia nari

 

M.U. GintingPayo tuhu erbage-bage pemikiran soal KBB enda ndai. Lit ka si ad-hominem bas diskusi entah pe debat soal KBB. Soal ad-hominem enda pe enggo ka melala si erpendapat, emkap umumna gelah ula ipake atau ikurangi bas diskusinta. Bas sienda enggo ka me melala perubahan. Enggo erkurang pang aku ngatakenca, perbahan enggo muat tambahna pemetehta secara umum bage pe pemetehta soal KBB.

Arus utama siteridah nangat bas ’pergolakan’ enda emkap perubahan si terjadi, perubahan sikap nandangi gagasan KBB, si dasarna pencerahan soal Identitas Karo. Perubahan-perubahan enda banci ka enggo teridah misalna bas web Sumut 26 Mei 2014 atau web Mendagri si enggo pernah ipostingken ku milista.

Erbage-bage perukuren ndai terus-menerus berubah bas perdalanen waktu, teridah nangat bas internet, uga pandangan-pandangan atas KBB atau Karo umumna cepat kel perubahenna. Enda tentu jasa teman-teman Karo ras kerina anak-anak mudana bage pe intelektualna ras akademisina enggo kerja keras janah meyakini atau semakin meyakini uga pentingna identitas Karo enda ndai secara intern bas kita Karo bagepe extern secara nasional ras internasional.

Muat lalana si aktif ras giat memperjuangkan janah mengataken uga litna uga pentingna identitas enda man tiap suku, suku Karo bagepe suku sideban termasuk suku Batak. ’Suku Batak’ ninta man kalak Teba sebab bagenda me pengakuan kalak enda, si ergai ka pendapat tiap suku bage pe pendapat tiap jelma.

Pendapat-pendapat kapken mbue erbagena, janah enda me si terus menerus terlanda perubahan sesuai ras dialektika perubahan dan perkembangan hal-ihwal. Maka melala ka si enggo berubah pendapatna atau pemetehna soal Karo bage pe KBB. Enda teridah tiap wari bas internet uga  perubahan-perubaha enda terjadi. Permulaan reformasi la melala si meteh ’Karo’ tapi meteh ’Batak’ atau Karo dianggap Batak.

15 tahun Reformasi melala enggo berubah, Karo itandai sebagai Karo, gia pendapat pe tetap melala erbagena. Tapi pendapat soal Karo ras KBB terus mengalami perubahan dan perkembangan. Arahna jelas, Identitas Karo sebagai suku Karo labo sebagai suku Batak. Ijenda termasuk pendapat Gubernur Sumut ras Mendagri dibandingkan Gubsu lama dan Mendagri lama.

Perubahan, perubahan, . . .

Perubahan kapken mutlak, pas kang bagi perbedaan pe mutlak.

Enda kuikutken web Sumut/Mendagri je tertulis suku Karo, suku Batak Toba. Salah sada web enda nulis ’Batak Simalungun’ si enggo ka membangkitkan reaksi gagasan SBB (Simalungun Bukan Batak). Sidebanna Batak Toba, Batak Angkola. Lanai lit Batak man Karo atau Mandailing bagepe Pakpak. Enda me gejala perubahan cepat ndai.

”Provinsi Sumatera Utara (Sumut) terkenal dengan masyarakatnya yang majemuk. Sedikitnya ada delapan etnis asli yaitu Melayu, Batak Toba, Batak Simalungun, Karo, Mandailing, Batak Angkola, Pakpak dan Nias yang mendiami daerah seluas 72.981,23 km ini.”

http://koran-sindo.com/node/391028

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.