Turgen: MIE TIGA BARU

0
185

Nisuratken: Berty Milala (Siak)

 

turgen 1Aku Berti, abangku Japet, nandéku Beru Tarigan. Ibas sada wari nandé lawes ndahi lakon. Bagi sibiasa, sopé ia lawes, enggo iaturkenna dahin kami.

Beru Tarigan: “Nakku, duana kéna ei. Aku kari ndahi kerja-kerja. Mulih kéna kari sekolah nari, ku juma kéna duana. Pesai kéna kari lacinanta ah ndai. Sitik nari langa dung. Dung kari mis kéna ku rumah maka enggo banci kena main-main. Tapi, muat kéna ku rumah, baba kéna ranting si bas kerangen suah ah, ya. Ula lupa mbuat nakan babinta mbéwan si bas duru baleng jumanta si lepar ah. Menggo, nakku. Dung ei banci kena main-main.”

Japet & Berti: Uai, nandé. Dung kari ban kami mis kami main-main, ya.

Beru Tarigan: “Uai. Ma enggo, nakku? Ula lupa, ya.”

Japet + Berti: “Uai, ndé.”

Mulih sekolah, ban riahna me ukur si anak, mis me ia duana ku juma. Empetna me erdahin la ngadi-ngadi ndungi dahin si ibereken Beru Tarigan.

Berti: “Enggo kap ben atena, bang. Lo kap sempat kita main-main ndai.”

Japet: “Sempat nge, dekku. Makana pedasi ih gelah dung sibuat mis ranting ras nakan babi ndai. Gelah mis kita ku rumah. Maka mis kita banci main-main ndai.

Empetna me duana erdahin. Dung kenca mis ia muat ranting. Mis ka muat nakan babi. Ijujungna me duana ku rumah.ngarapken gelah banci main-main. Seh kenca nangndangi tapin enggo me sinung gelap. Enggo erkata perik-perik kerangen ngataken enggo gelap wari. Seh me i rumah enggo jumpa ras Beru Tarigan.

Beru Tarigan: “Ih, enggo kena reh, nakku? Dung ndai ban kena? Mbue kel kap ranting ei ras nakan babi ei baba kena. Juma ndai dung pesai kena, pa?

Jawab anak sidua koté: “Dung kerina ban kami, ndé.”

Beru Tarigan: “Andiko, nakku. Latih kel akap kena ei mai. Lanai kap kena sempat main-main ndai ei mai. Ei gia lo dalih, nakku, sekali nari meter ban kena maka banci kena main-main. Enda ndai kubaba emmi Tiga Baru, nakku. Pan kena, yah. Gelah ngadi ngalah kena ei duana.

Japet + Berti: “Ngidah emmi Tiga Baru lupa ngalah nibaba ras main-main ndai.

“Oh bujur ya, ndé!!!”                              

Cirem Beru Tarigan janah ngamburken iluh.

Nina erbelas: “Salah aku, nakku. Kueteh nge kena lo ngasup ndahikenca si kusuruh ei. Tapi dung ka kerina ban kena teman nandena. Bageikin adi geluhta mesera bekas bapandu la bagi bapa kalak. Kena menda mabasa. Tutus até kena sekolah janah ula kisat ndahiken dahinta nina.”

La gejapna dakepna kami duana.

Leave a Reply