Silan Kerangen Mbelang (Sarimunte)

0
219

Isuratken: Dhel Gint

 

silan 1
Silan Kerangen Mbelang (Sarimunte)

dhel gint 1Engo menda kusulu-sulu uga kin turi-turinna maka ikataken Kerangen Mbelang aminna kerangen enda kitik nge situhuna.

Kerangen Mbelang inganna lebih kurang 8 Km ibas Kuta Sarimunte nari, sibalengen ras Kuta Pertumbungen. Nina iformasi sikudat ibas simajuh Kerangen Mbelang enda nari, maka situhuna Kerangen Mbelang punana emkap Sibayak Sarinembah. Nina, maka kedungena silan enda simajuhsa Ginting Gurupatih Sarimunte perbahan sangana ipajuh mbarenda engo kenca ipantem Kerbo Sangkap Marpulung ibas kerangen enda, Sibayak Sarinembah ndape lanai pang ngamburken dareh kerbo kubas mata lau silit bas Kerangen Mbelang. Sungkunna me ise sipang nuangken dareh kerbo enda ndai. Ituangken nini Beru Tarigan ku mata lau enda ndai.

Kejadin aneh mis teridah ije perbahan dareh situangken Nini Tigan ku mata lau ndai sirupna kubagas piga-piga. La ndekahsa nembur lau enda ndai rikut ras dareh si tuangkena ku mata lau ndai.

Maka, nina Sibayak kempak keluarga Ginting ndai: “Adi bagena kejadiana mulai gundari nari kamlah majuhsa silan enda.” Emaka, engo kenca masa sindai seh ngadi gundari Kerangen Mbelang enggo keluarga Ginting majuhsa.

Nina ituriken man aku, dalan ku ulu lau enda lit je sada batang rimo mungkur siganjangna sekitar 50 cm. Asa gundari rimo e ase lalap ganjangna. Adina nai, asal sipake baju megara diher kerangen enda ndai mis kal kita iliwerna (mapak). Adi enggo kenca kita mapak terpaksa pulahken manuk mbentar maka banci ndarat bas kerangen nari.

Lit denga ka piga-piga kejadin kemamangen si pernah terjadi:

1. Lit sekalak parang mbelin muat daling atena man roda gereta kerbona. Tektekna daling ndai dareh idahna ndarat.

2. Paksa penorongen dalin mbarenda i diher Kerangen Mbelang, lit sinuruhsa maka pebelangi dalin e terbagasen. Tapi, nina supir alat berat ndai: “Aku labo pang norongsa adi mejile ije kerina rumah nina ngaloi.

Gundari pe mekatep denga lit simegisa berngi kenca sora gendang ije. Tambah tolena, silan enda nai lit nge pustakana ibas buluh nari, pisona, tongkat ras gerding-gerdingna. Tapi, sie kerina lanai iteh ija ingana.

Sitading gundari emkap baju mbentar ras megara nari ngenca. Guna baju enda, adi simbentar ipake tupung erpangir, adi si megara tupung motong Kerbo Sangkep Marpulung.

Piga-piga tahun silewat lit ka kejadin sila masuk akal. Tupung si e lit perpulungen i rumah orangtua Rudi Ginting. Perbahan enggo dung perpulungen, ngeranai ije kerina jemaat sope mulih ku rumahna sekalak-sekalak. Rempet ersora gitar si amparken pemusik i tengah-tengah perpulungen. Senget kalak enda ndai dingen sitatapen ia kerina. Kejadina sempat 2 kali. Kedungena nina si empu rumah, mungkin ku rumah ka nge nini Kerangen Mbelang. Paksa sie baju ndai I rumah ingan pulung enda ingana. Tapi gundari baju e enggo I rumah Bang Rudi Ginting ingana.

Sada nari, kerna pengertin “balik-baliken bagi silan Sarimunte”. Adi ku rumah kenca jinujung kerangen enda ndai, adi mejuah-juah kam kerina anak kuta enda, nina, berarti pinakit sireh. Tapi, adi mesera kapndu man dingen mekelesa kam kerina nina, kebaliken sikatakenna e siterjadi.

Leave a Reply