Anak Pengungsi Sinabung Ndungi Sekolah

sartika ika
SARTIKA BERU KARO (MEDAN)

Bekerah, kuta  kemulihen….

Kuta ingan pusungku ndabuh kel jine..

Tedeh ku e enggo si tindih-tindihen..

Perbahan tedehna ateku mekatep  kel tangkel ibas nipi…

 

 

Adi kuinget kenca kerina si nggo terjadi

La kugejap ndabuh iluhku..

Kerina kuakap bagi nipi…

Kuta Bekerah simbarena taneh si mehumur..

Gundari nggo salih jadi erlumpur..

Lumpur Deleng Sinabung nggo nutupi taneh si subur

Bekerah kuta kemulihenku….

Ndigan ndia wari-wari si nggo lewat banci kuulihi

metedeh aku ngulihi wari-wari e

Reh nina ukurku..

ah, ntah lanai bo banci terulihi ari

pulung ras kade-kade

jumpa ras teman-teman bagi simbarena

Adina gundari kenca kin ibas pengungsin

marpar merap percibal kami kerina

pas kel jine bagi anak manuk itadingken indungna

lanai eteh kuja percibal e

Metedeh aku ngulihi wari-wari

i kuta Bekerah kuta kemulihenku

 

Catatan Redaksi: Puisi ini adalah pengantar dari sebuah kisah bersambung yang akan ditampilkan di Sorasirulo.com mengenai duka lara seorang anak pengungsi Sinabung yang kuliah di Medan. Kisah nyata itu ditulis oleh Ika sendiri berdasarkan pengalaman dan perenungannya tentang hidup.


2 thoughts on “Anak Pengungsi Sinabung Ndungi Sekolah

  1. kita tunggu cerita kisah nyata nya ///// Tetap semangat nakku Sartika Br karo ….. cita cita tidak akan terhalang hanya karena ketidak adaan biaya, kalau punya semangat yg kuat selalau ada jalan untuk mencapai kesuksesan

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.