Anak Pengungsi Sinabung Ndungi Sekolah (1)

3
205

Nisuratken: Sartika beru Karo (Medan)

sartika ika 2
Penulis menjual cimpa dan ampam di Pajak Sore, Padangbulan (Medan)

Sope lenga aku mulai ercerita, Nande/Bapa, Turang/Senina ijenda ku petandaken lebe man bangku ise kin aku. Aku emekap :

Gelar           : Sartika Br Karo S.Sos

Tubuh         : Bekerah 26 April 1992

Alamat        : Jl. Jamin Ginting No. 240, Ratucell Padangbulan, Medan

Kuta Asal    : Desa Bekerah

Agama         : Kristen

Identitas Orang Tua:

Bapa            : Nimai Sitepu Batunanggar

Nande         : Heriani Br Ginting Munte

Aku emekap anak pertama ibas telu ersembuyak, turangku 2 si tergelar Sadrah Sahdi Sitepu ras Abet Nego Sitepu. Banci ikataken ibas jabu kami aku ngenca anak diberu sada-sada, si mungkin banci anggapen kalak  eme kap manja ntahsa pe biasa adi anak sisada ia dilaki ntah diberu biasana imanjaken keluarga. Adi si kunanami labo pernah imanjaken mulai aku kitik-kitik nari seh asa gundari perbahan labo lit si man manjanken.

Adina pendahin Nande ras Bapa pe kujuma kurumah. Adina soal pergeluh cukup sakit perbahan kami labo kalak lit. Pandangen kalak pe keluarga kami emekap “rendahen”. Terkadang ate-ate kalak saja ngerana nandangi kami.

sartika ika 3Adi kuinget mulai kitik-kitik nari rumah kami buluh bayu-bayu si setengah erlantaiken taneh ras setengahna erlantaiken semin kasar, atapna seng epe deba bocor ka. Tiap berngi sora kirik, labang, gaya, katak usur man beginken lampuna lampu kacubung medak pagi-pagi e nggo ka mbiring igung  e. Bage me wari demi wari si kudalani ras agi-agiku ngasa aku SMP kelas 3.

Bas sada wari suan nande ras bapa me kentang janah itotoken gelah jumpa regana. Njujuri Dibata jumpa rega me kentang ndai ersura me nande ras bapa mbangun rumah. Terban rumah ndai ukurenna 7 x 10 beton. Belakangna bayu-bayu erlantai papan.

Tahun 2007, masuk me aku SMA i SMA Negeri 1 Tigapanah. Aku Tading ras keluarga i Kabanjahe bas rumah bulang (Mama Nguda Nande). Ibas rumah e kami lit 4 kalak tading emekap Bulang, Karo, Mama Uda, Aku.

Mama uda e, anak bulang uda singuda. Ia sekolah i SMA Negeri 1 Kabanjahe 1 tahun datasenku. Karo la banci erkai pe perbahan ia stroke mulai tahun 2005, bahken erdalan pe la banci. Jadi, harus iangkat maka banci erdalan. Erkai pe je emaka aku kerina ngurus dahin rumah ras Karo.

Adi enggo kenca aku pulang sekolah ndarat pe labo banci adina la ban perluna. Tiap wari harus medak jam 5, erdakan, nggule, napui e harus jadi kewajipen gedang-gedang wari.


[one_fourth]tapi aku la nggit nyontek PR kalak[/one_fourth]

Adi aku berkat sekolah jalan kaki ngasa terminal bawah rumah nari. Rumah e letakkna pas depan SMP Negeri 1 Kabanjahe perbahan ongkos pe pas-pasen bere nande i kuta nari Rp. 50.000 ngenca 2 minggu jadi em pebias-bias. Adi soal erlajar ningen aku labo si jago ndai janah labo si rajin ndai tapi aku la nggit nyontek PR kalak aku lebih suka hasilku sendiri. Adina mama uda mekatep erlajar ia jam 22.00-1.00 WIB adi aku lalit PR nina guru la erlajar.

Pernah sekali termedak aku jam  23.30 WIB,  kuakap enggo jam 6.00 WIB kubuat me kap kudin erdakan ateku mama uda ndai erlajar denga ia.

Erkai atendu e?“ nina mama uda.

Erdakan ma nggo jam enem dah, ningku.

Reh na mama uda: “Emaka ula jam siwah e pe nggo medem, erlajarken sekali.

sartika ika 4
Membuat cimpa, ampam dan kue-kue di rumah

Kuinget kel ije aku enggo semester genap kelas  dua SMA.

Mulai jenari kupala-palai erlajar. Bas sada wari rukur aku.

“Jadi kai nge ndia aku pagi adi bagenda aku lalap labo pernah erlajar?” ateku.

Piga miggu kemudian ujian me ningen. Mama uda ndai enggo dung Ujian Nasional ( UAN). Ngelamar me ia ku perguruan tinggi Universitas Sumatera Utara Jurusen Tehnik Mesin, ence lulus. Meriah kel ukurna ras bangga kel Bulang ras Karo rikutken keluarga sidebanna pe. Emaka mulai je nari erlajar aku usur kai si banci kubaca mis kubaca. Ersura kel aku kuliah bas perguruan tinggi negeri (Bersambung).

Tulisan terkait: Anak Pengungsi Sinabung Ndungi Sekolah


3 COMMENTS

  1. mantap bo situhuna
    tapi adi banci min
    gunaken s.sos ndu ena
    point atakenndu
    “Terkadang ate-ate kalak saja ngerana nandangi kami.”
    lenga kap kueteh uga e situhuna

    semangat terus

Leave a Reply