Judulna Saja Sinabung

Harianta Singarimbun (Medan)

 

perbajiperbaji 2Judulna saja ngenca rusur Sinabung. Lang, adi situhuna, bahasenna kari enggo kita banna bingung kelewet.

Kutata si termasuk kena dampak erupsi Sinabung, Mardingding (Kecamatan Tiganderket). Tah Dinas kai deba enggo reh mbaba angin surga. Bupati sigundari pe enggom mekatep molih-olih. Tah kai deba wacanana.

Distribusi bantuan sembako pe lanai jelas. Jembatan 3 meter sibentasi lahar dingin pe lalap la terpesikap.

Andiko Dibata, kuja denga menda turiken kami adi pejabat kami entabeh kel perpedemna janah ernipi sementara kami ermegogo ate menda suari berngi?

Gelah ula pagi kam terlena ibas cakap kalak si ernina-nina. Bupatita sigundari ras kerina jajarenna kuakap cukup mengecawakan. Enda labo bas terlalu melala harapen tah pe mindo bantuan, tapi enda ibas sienggo igejapken. Labo mindo perkuah ate tapi ibas sibagenda rupa tentu lit ka me aturna perhatin lebih nangdangi kerina kuta sikena dampak erupsi Deleng Sinabung e.

Si konyolna ka, lit ka kasus korupsi seng ibas sada badan pemerintahen nari. Enda adi menurut aku jelmana siterlibat e langsung pecat saja dengan tidak hormat. Bila perlu ban sangsi sosialna mbersihi lahar dingin silalap nderpa kuta Perbaji ah. Mbera mela ia.


Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.