Ertangkel Berngin: ULA MEGOMBANG

Oleh: Paulus Jepe Ginting (Jakarta)

 

Paulus Jepe GintingcongkakKalak beluh, kalak merupa, kalak cerdas, kalak mejile, kalak metunggung, kalak pantas, kalak melias, kalak mehuli, kalak bayak, kalak jore, adi pandu denga nakan, tehndu denga muas, perlu denga kencing, merhat denga kuture, nggit denga pedarat imen, usur denga buang angin, mesui igetuk, banci denga guling, banci ndabuh…. ULA MEGOMBANG.

Adi tehndu nanam masin sira, pagit pegu, entebu gula, macem acem, meser lacina…. ULA MEGOMBANG.

Tehndu meganjang uruk, ganjangen ka deleng, ganjangen denga ka langit…. ULA MEGOMBANG.

Nanamindu mesui, nanamindu melas, nanamindu nderngit, nanamindu mbergeh, nanamindu ngisah…. ULA MEGOMBANG.

Tehndu ate ceda, tehndu gulut, tehndu mberat, tehndu nembeh, tehndu merawa, tehnde ate tedeh, tehndu ate ngena, tehndu ate keleng…. ULA MEGOMBANG.

Megombang emekap kebiasan, sikap, perilaku, perbuaten, ras pengelako pekitiki jelma sideban guna pepuasken diri jine.



Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.