Puisi: SELAMAT MAN PENGULU SIMBARU

1
133

terkelin brahmana 3

Isuratken: Pa Canggah Ginting (California)




Juah-juahen kam o kam pengulu mbaru
Tawa cirem kam tupung itangkohken
Cirem-cirem sembelah rayat sindedah
Tanda-tandana lit si erpengarapen
Pengarapen segelah kam ngasup pejoreken
Lit la cirem, mapas nandangi kengasupendu

Ola erlua-lua, ola nangko, hamati nande bapandu
Bagem nina kalak rugama
Temandu ndube jurembat, jongkang, kernep bas taneh kerah
Penggaya nangko nge ndia? Tah ulih erlua-lua?
Tah upah la mehamat tu nande bapana rayat sirulo?
Tanda nungkun jadi pelajaren, si la man jabapen.

Juah-juahen kam o pengulu mbaru
Sentabi, tersungkun setuhuna ukurku
Ngasup nge ndia kam?
Arah sekolahndu, banci jadi kam ngasup
Bage gia de kin pe ngasup, ergiah nge ndia ukurndu?
Melala denga setuhuna tanda nungkun si man pedaraten
Tapi kerinana ersumulih man bandu

De kam nangko, terbeloh kam nangko
Sebab maka bage ningku, gundari enda melala mata
Mata cellphone, mata rayat, terlebih mata imbangndu ndube
Mata kalak si la atan nangko rsd, rsd, rsd
Jurembat, jongkang, kernep ulihna

Selamat erdahin o kam pengulu mbaru
Pengulu kuta panteken silima merga tergelar Bupati Karo.




1 COMMENT

  1. “Sentabi, tersungkun setuhuna ukurku
    Ngasup nge ndia kam?”
    Tuduhken janah cidahken man banta kerina Pengulu!
    I Jakarta bagepe i Surabaya enggo lit pengulu si ngasup mbantu rakyat sirulo salu bukti-bukti nyata ibas pengidahen kerina kalak Indonesia.

    MUG

Leave a Reply