Puisi: PINGKO-PINGKO

Oleh: Nancy M. Brahmana (Kabanjahe)

 

Nancy 1Tarum-tarum mido-ido

lebuh-lebuh sinatang-natang

ndabuh wari terpingko-pingko

gelah nggeluh nggalar utang

Jenari erlebuh Laki Sinabun

ngayak-ayak kempu melias

adi Megit Brahmana mbarendajadi binangun

ngapuli kuta duana erlayas

 

Mari-mari, nina anak ndai

sepengodak-sepengole sora ketingtang

adi binara nge jadi obat pe banci

engkai ka maka tendindu lolah kebilang




Anak kuta gelap matana

bage kisik i teruh doni

la kap mela daging babana

la idahna terang tengah wari

 

O, ula kebiaren begu-begu!

si ngerah-ngerah ngenca atena

makana pediatndu si jahat tuhu!

perban berekendu pusuh jadi nakanna!







Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.