Puisi: MERGA

Oleh: Ria Depari (Berastagi)

 

Ria DepariNindu kam kap sinuduhken kami meherga

Nindu kam sipeteguhi cibal kami ibas rarasen

Sierban kami erterpuk lit teman arih sikelengen

Panggung kami pe nindu kam nepetsa

Tapi la kap kutandai kam

Pangkat jabaten kap singergaken aku

Sekolahku meganjang singerakut enteguh aku bas rarasen

Serpiku melala kap maka aku ihamati

 

Uis nipes sikulanggeken cabin tedeh kuban gelarna

Kelam-kelam sikutudungken jile-jileku kap ngenca

Mejuah-juah lanai bo kusinget nari

Tandai bandu ola kam ngarap

 

Labo aku perlu kitutur, bias me

Impalku kap kerina di pelain merga

Mekisat aku erpengangkai kerna adat

Janah ngantusi kerna Tutur Siwaluh



Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.