Rudang-rudang Gereja: Lomba Foto Permata GBKP Bangun Mulia

SISKA V. TARIGAN. TANJUNG MERAWA. Untuk menyambut Hari Natal barusan, Permata GBKP Rg. Bangun Mulia (Tanjung Merawa, Kabupaten Deliserdang) mengadakan Christmas Event, dengan mana para anggota Permata dipersilahkan mengirim foto-foto menarik tentang Permata dan menuliskan caption yang bagus dengan thema: “Rudang-rudang Gereja”.

Dikirim ke akun ig@permata_bangunmulia.

Ini terbuka untuk umum, khususnya para undangan. Pengumumannya dilakukan ketika diadakannya perayaan Natal Permata GBKP Rg. Bangun Mulia 22 Desember lalu.







Setelah dinilai oleh dewan juri, terpilih sebagai Juara 1 adalah dari Permata Rg. Salam Tani, bernama Melisa beru Tarigan. Bagi para pemenang diberi hadiah sebuah Alkitab.

Di bawah ini kami tampilkan caption dari foto-foto yang dikirimkan oleh Melisa ke panitia lomba.

* * * *

Kami igelari Permata ibas tengah-tengah gereja GBKP, e me kap persadan man anak gerejanta. Permata ningen e, tuhu kap seh jilena rupana janah meherga nilaina. Emaka, tek kami meherga akap Dibata bage pe orangtua nandangi kami anak-anakna maka kami igelari Permata.

Kami ikataken ka rudang-rudang i tengah gereja GBKP. Rudang ningen e bunga si merim janah mejile kel rupana. Kami desken bunga ncole si merim si mentar rupana i tengah-tengah gereja GBKP. Kami me jadi harapen orangtua i tengah jabu bage pe i tengah perpulungen. Kami iarapken jadi kebanggan man jelma sinterem. Iarapken jadi contoh man agi-agi kami. Kami iarapken jadi generasi penerus si pembarken Berita Si Meriah.




Tapi, kami Permata, rusur erban si la mehuli. Rusur kami nimbak ranan orangtua. Rusur erban salah ras lepak ibas pengerana ntah pe perbahanen. Rusur kami nimbak peraten Dibata. Rusur kami lalar ibas dalan si benar kerna kuasa doni. La banci kami engkuasai diri kami kerna kuasa si gelap. Usuren kami erban si jahat asangken mbegiken kata Dibata. Kami akap kami rusur si bujurna.

Adi siukuri mbages-mbages, patut nge kita igelari Permata? Pantas nge kita ikataken rudang-rudang gereja? Em ban kelengna ate orangtua nandangi anak-anakna, maka uga pe perlagulangkah anakna tetap iampunina dingen ikelengina kita. Tetap meherga akapna kita bagi permata si la ternilai ergana.

Emaka tetap asa gundari seh rasa lalap kami igelari permata. Ban kelengna ate Dibata man anak-anakna, maka uga pe melketna anakna tetap ikelengina. Meherga dingen mehaga akap Dibata kita bagi rudang si merim i tengah mbal-bal.

Kami ikataken rudang-rudang gereja kerna keleng ate Dibata. I jagaina kita segedang geluhta, itebusna kita guna nasapken dosa-dosanta, keleng atena seh rasa lalap.

Kami me permata si meherga i tengah-tengah gereja GBKP. Kami me rudang-rudang simerim i tengah-tengah gereja GBKP. Bujur ras mejuah-juah kita kerina. Tuhan si masu-masu kita kerina.






Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.