Juara R. Ginting
Dahaku diam engko nimmu si maka
Mergerek isangku aku nimmu si la pantas
Kucibalkan me ini ukurku senggalah
Ulang ko maju sejengkal lah ndia
Kupersan sekin ladingen si mantek pertibi
Séring matamu séring Pa Nungkir
Ndaret cakapmu kugetap kalah-kalahmu
Ulang ko bilang sepatah kata kesut-kesuten
Kujurgak-sarsarken rambutku
Anah kuangkat tiwenku
Kurendukken lanja-lanjangku
Jaga ulang narsar tabeh-tabehmu
Jaga ulang narsar tabeh-tabehmu
Jaga!
Dahaku lama enggo mangikut-ngikutmu
Ukurmu saja makana sah ukur
Ukurku engko jabab ué megendek
Anah-anahmu nambong isapmu
Anah-anahmu ncengilken ipon
Anah-anahmu ndarami bualmu si déban
Engko kira apa kin daging kubaba ini
Peintang kin si malolongmu ai
Jerlengmu min perdempakenku ini
Tatapmu min bidang barangku éidi
Ulang renduk cakapku saja itagangimu
Lang ko mbiar pinggelmu erdenging?!
Maka kukahulken ménda iket awak-awak
Kuulahken manuk sabugan megara
Ulang cakapku renduk ngenca ipakému
Raja Pangantik Jurgak-jurgak i pudingku
Hah! Hah! Hah! Hah!
Puh! Puh! Puh! Puh!
Hooooooiiiiiik ……..
Clip di bawah adalah tarian dari puisi di atas yang ditampilkan di Tongtong Fair (Den Haag, Nederland)