Budaya & Adat · Ekonomi · Jum, 12 Sep · 2 mnt baca

Bual-bual La Bual: Tahan

Alexander Firdaust Meliala (Medan ) Tahan turu ibas cakap Karo entah pe pertahanan nina ibas bahasa Indonesia megati sibegi ibas kegeluhen tep-tep wari kita …

Bual-bual La Bual: Tahan

Alexander Firdaust Meliala (Medan ) Tahan turu ibas cakap Karo entah pe pertahanan nina ibas bahasa Indonesia megati sibegi ibas kegeluhen tep-tep wari kita kalak Karo. Kiniliten tahan turu enda banci erbahan kegeluhen sesekalak jelma entah pe sada jabu tetap stabil gia keadaan secara umum sangana sulit, khususna ibas perbeben ekonomi.

I kuta kami gelgel, khususna i seputaren Karo Baluren, megati ikataken batang kembiri isuan jadi tahan turu. Engkai maka sinuan-sinuan enda ikataken tahan turu? Perbahan menam segedang-gedang tahun lit rusur man buaten buahna la gia sangana musim entah pe embasna.

Tambah tolena batang kembiri umumna, emekap sinuan-sinuan si labo mesera ngasuhisa. Asal ipesai saja teruh batangna, maka batang kembiri e pasti menghasilken buah, janah buahna banci idayaken guna sumber duit man anak jabu.

Ibas paksa sulit perekonomin, bagi ibas masa-masa lego wari umpamana, maka mbue me kalak lawes kitartar buah kembiri. Bicara adi kin pe ibas masa lego e labo waktuna musim ndaboh buah kembiri, maka ibas kesempaten e ikataken me cikorkor entah pe ndarami buah kembiri si enggo ndekah ndaboh, janah buah kembiri e megati pe enggo lesap kuteroh taneh. Musim Cikorkor[/one_third_last]

Arah bage, tentu batang kembiri sibanci tetap ibuati buahna e sekaligus banci natang perekonomin masyarakat, khususna ibas masa-masa sulit entah pe ibas musim lego e. Gia ibas musim cikorkor e labo banci mbue kel dat hasilna, silahangna perjuma-juma tetap erdalan bagi semalna, rikut pe uang masok tetap idatsa, gia labo maksimal kal.

Ibas piga-piga tahun silewat, enggo mbue kal batang kembiri itabahi i Karo Baluren enda. Arapen mis mbue dat sen si reh ibas cukong-cukup si perlu kayu, rikut pe alasen batang kembiri enggo kurang perbuahna, maka ibas masa si e masyarakat Karo Baluren erlumba-lumba nabahi batang kembirina. I teruh batang kembiri ndai, isuani me sinuan-sinuan tanamen muda si umumna jong, sebab regana pe ianggap masyarakat memang cukup menjanjiken, rikut pe perawatenna labo meserasa.

Gundari kenca sinuan-sinuan tahan turu ndai enggo keri itabahi, maka masyarakat pe mulai mengeluh. Adi kenca reh lego wari, maka sinuan-sinuan tanamen muda si isuan pe megati labo jadi. Dage adina tahan turu entah pe pertahanen ndai enggo keri itabahi, kune reh kenca perbeben ekonomi si mesangat, kuja nari dage siatur langkah perkiamta? // //